KITI CHA KWANZA CHA SPIKA WA BUNGE LA TANGANYIKA LA MWAKA 1962

Hiki ndo' kiti cha kwanza cha Spika wa Bunge ambacho kilitolewa kama zawadi na Bunge la  Uingereza (House of Common) kwa Bunge la Tanganyika mwaka 1962 mara baada ya Uhuru. Kiti hiki kimetumika nchini mpaka mwaka 2005. [Picha: kwa hisani ya Owen Mwandumbya wa Bunge].

MTIKILA AYEYA JELA MIEZI 6

Mchungaji Christopher Mtikila ambaye ni Mwenyekiti wa Chama cha DP amedakwa leo na makachero waliokuwa wakimsaka muda mrefu huku wakiwa na 'kibali cha kumkamata' na kufikishwa Mahakama ya wilaya Ilala ambako alikuwa amehukumiwa kifungo cha miezi sita hapo awali.

Mtikila ambaye alionekana kutoamini jambo hilo huku akionekana mwenye kujiamini zaidi, alikuwa akidaiwa deni la zaidi ya shilingi milioni 9 na mkazi mmoja wa jijini hapa Dar es Salaam, Mama Pascazia Zelamula Matete (61) ambaye kitaaluma ni Mwalimu.

Kwa mujibu wa Mama Pascazia, alimkopesha fedha hizo ili ziweze kumsaidia kwenye biashara zake, lakini imekuwa ngumu kwa Mtikila kurudisha fedha hizo kiasi cha kumsababishia mama huyo kutengwa na familia yake hususan mumewe ambaye alimwambia atamrudia tu endapo atakuwa amerudishiwa fedha hizo.


Mtikila akiingia kwenye gari la Polisi kuelekea kituo cha Msimbazi leo

"Hata watoto wangu nao wamenitenga, sasa naishi maisha magumu, nimetengwa na mume wangu, watoto wangu sababu ya huruma yangu ya kumsaidia Mtikila. Leo siondoki hapa, nitafia hapahapa mpaka fedha zangu azirudishe." Alisema mama huyo.

Mtikila alichukuliwa na gari la Polisi wa Kituo cha Msimbazi na kupelekwa kituoni huko kwa ajili ya kuhifadhiwa bada ya muda wa mahakama kuwa umekwisha na anatarajiwa kupelekwa jela kwa kipindi cha miezi sita, jambo ambalo binafsi ameridhia.

KURA ZA MAONI ZANOGA: MTEMVU AONGOZA KATA YA MTONI: JANGWANI NUSURA ZICHAPWE KAVUKAVU: KADI FEKI ZAKAMATWA

Zoezi la upigaji kura za maoni kwa wanachama wa CCM kwenye matawi mbalimbali jijini hapa limekuwa na sura mbalimbali ambapo Jimbo la Temeke, Mbunge aliyemaliza muda wake jimboni humo Abbas Mtemvu mpaka kufikia majira ya saa moja usiku alikuwa akiongoza kwa kura Kata ya Mtoni.

Vituko vilianza kuibuka kwenye matawi mbalimbali huku kukiwa na malalamiko kadhaa kwa wanachama kuzuiliwa kupiga kura kutokana na majina yao kutoorodheshwa kwenye rejista mpya. Tawi la Misewe, Darajani na Segerea yote yakiwa kwenye Jimbo la Segerea malalamiko yalikuwa ya aina hiyo.



Jangwani, vituko vya kubiduliwa biduliwa kwa masanduku ya kupigia kura vilileta sura tofauti kabisa. Sababu inadaiwa ni kuwa majina ya watu yalikutwa yamepewa tiki kwenye rejesta ya majina.

Halikadhalika, kwenye Tawi moja lililopo Magomeni, zaidi ya kadi 500 za CCM zilirudishwa na wanachama wake na kuchukua za CUF papo hapo kutokana na kutoridhishwa na mchakato mzima wa zoezi hilo.

Tutaendelea kuwaletea updates za matokeo... Endelea kuhabarika

REST IN PEACE JENNIFER MWELA....

Bw. Dennis, ambaye ni mumewe marehemu Jennifer akilia kwa uchungu wakati wa kumuaga mpendwa mkewe


Mama wa marehemu Jennifer, Arafa Mgaya naye pia hakuweza kujizuia wakati wa kumuaga mwanaye mpendwa, Jennifer


Na hii ni sehemu ya umati wa watu uliomiminika kumsindikiza Jennifer kwenye safari yake ya mwisho, makaburini Kinondoni leo


Na hapa ndipo safari ya Jennifer ilipokuwa imeishia... Sisi tulimpenda sana, lakini Mungu alimpenda zaidi, Mwanga wa amani umuangazie, apumzike kwa amani...

SAFARI YA MWISHO YA PRIMTIVA PANCRAS...

Na Primtiva Pancras...,
Hivi ndivyo nilivyozoea kuona BY LINE yake mara kwa mara ninapolisoma gazeti la Mtanzania linalochapishwa na Kampuni ya New Habari.

Ama kwa hakika, 'Prim' kama wengi tulivyozoea kumwita wakati wa uhai wake, alikuwa ni rafiki wa kila mmoja wetu. Hakuna unafiki hapa wa kusubiri mpaka mtu afariki ndo mazuri yake yatangazwe. Kwa aliyemjua 'Prim' hatotia shaka wala kuguna kwa hili nalonena.

Prim, alikuwa hodari wa kazi. Kwa sisi ambao mara moja moja tunakuwa na vijikazi vya hapa na pale, hupenda kuita wanataaluma wenzetu kwa ajili ya kusaidiana. Prim hakusita kuja pindi unapomuita kwenye kazi yako. Na kama hatokuwa na nafasi basi atamtuma mtu mradi tu kazi yako isilale.

Prim ana mengi ya kumzungumzia, ambayo unaweza kutumia siku nzima kuyaandika, lakini kwa kifupi, ndo hayo, Na hii ndiyo Safari ya Mwisho ya Primtiva... Mungu amrehemu sana, Amin.

MAZISHI YAKE PICHANI

Primtiva enzi za uhai wake


Waandishi wakimuaga Primtiva Kanisa la Roman la Hananasif


Mchungaji akifukiza udi kwenye jeneza la Primtiva


Sanduku la Primtiva likishushwa kaburini kwa maziko


Joachim Mushi akimwaga mchanga kwenye kaburi la mke wake, Primtiva

JK AZINDUA MITAMBO MIPYA YA KUFUA UMEME NA KUZINDUA MRADI WA MAJI

Mhandisi wa Tanesco mkoa wa Kigoma, Jenkins Matumbo akimwonesha Rais Kikwete jinsi mitambo mipya ya kuzalisha umeme inavyofanya kazi katika chumba maalum cha kuongozea mitambo hiyo muda mfupi baada ya Rais Kikwete kuzindua mitambo hiyo mjini Kigoma jana.Kushoto ni Mkurugenzi Mtendaji wa TANESCO mhandisi William Mhando.


Rais Kikwete akimtwika maji Mkazi wa Kigoma Bi.Zainabu Gobela muda mfupi baada ya kuzindua mradi wa maji ujulikanao kama Mkongoro II mjini Kigoma jana

PICHA ZOTE NA FREDDY MARO

TANZANIA WAUNGANA NA BRAZILI KUPIGA VITA MALARIA

Ujumbe wa Kampeni ya kupiga vita ugonjwa wa Malaria toka nchini Brazili ukiongozwa na andres Sanchez leo umekutana na Serikali ya Tanzania kwa lengo la kupiga vita ugonjwa hatari wa Malaria, ambapo ujumbe huo ulikula chakula cha pamoja cha mchana na waandishi wa vyombo mbalimbali vya habari katika hoteli ya Moevenpick, jijini hapa Dar es Salaam.


Kiongozi wa ujumbe toka Brazil, Andres Sanchez (kulia) akikabidhi mpira kwa Waziri wa Kazi, Ajira na Vijana, Juma Kapuya